Auto-babesa eta Segurtasuna
- Erabili material ona, eta hura egoera onean mantendu.
- Ez zaitez joan bakarrik. Gutxienez pertsona bati esan zein ibilbide egingo duzun, norantz joango zaren eta, gutxi gorabehera, noiz itzuliko zaren.
- Mendian zaudenean, ez hartu presarik. Kontu handiz ibili jaitsieran zehar. Gogoratu: onik itzultzea da garrantzitsuena.
- Zure gaitasunari edo eskarmentuari balio gehiegi ematea, edota ingurunea gutxiestea dira akatsa egiteko lehen urratsak.
- Behar beste edan eta egokiro jan.
- Beharrezko guztia eraman aldean: jantziak, ura, janaria, eta abar.
- Ez edan alkohola, edota zure gaitasuna aldatu edo zure segurtasuna arriskuan jar dezakeen beste edozer.
- Ahalegina egin bitartean, geratu aldian-aldian, eta jan elikagai energetiko eta arinak. Edan ur asko.
- Errespetatu ingurunea. Ez kaltetu landareak eta animaliak. Ez bota hondakinik.
- Lortu egoera fisiko eta tekniko egokia. Ikasi brujula eta mapa erabiltzen, behar duzun kasuetarako.
- Ikasi lehen sorospenak. Eraman botikin txiki bat motxilan.
- Ondoezik bazaude, gidei edo Klubaren arduradunei jakinarazi, lehenbailehen.
- Oro har, prebentzio eta autobabes jarrera izan. Adi egon, une oro, jarduerak edta inguruneak ekar ditzaketen kalteekin.
- Atzetik eta aurretik dituzunak begi aurrean izan, une oro.
- Zailtasunik baduzu (nekea, ondoeza, eta abar), esan besteei.
- Bidetik irten behar baduzu, utzi motxila bide ertzean eta jakinarazi besteei.
- Ez baduzu bidea ezagutzen, egon antolatzaileengandik edota proposatutako ibilbidea egin eta zure erritmoa dutenengandik hurbil. Eta gogoan izan: beti egongo da Klubeko norbait, taldea ixten. Saiatu haren aurretik joaten beti.
- Kluba ez da gida profesionala. Mesedez, lagun iezaiezu.
- Autobusean, egiaztatu inguruan dituzunak bertan daudela (batez ere, geldialdiak eta gero eta etxera bueltan gatozenean).
- Eskatu informazioa, ea non eta nola eskatu laguntza. Eta eraman horretarako baliabideak.
- SOS DEIAK: 112
- WhatsApp Larrialdiak
- Alpify app-a
- Federatuentzat:
- Istripua, Estatu barruan: 649453020
- Istripua, atzerrian: 0034 91 3939030
- Arrisku-kirolak egiten dituztenei federatzeko gomendatzen diegu: erreskateetarako asegurua lortzeaz gain, dena delako arrisku-jarduerari buruzko informazio, prestakuntza eta berezko ekipamendu gehiago izango dute eskura.